أبوڪ.. خالڪ..إختڪ..أخوڪ.. ماضيڪ..ربعڪ..جميع النـآس.. وعيـــال عمِّــــڪ
(م)
تَعَبت أشيـل الهَم عنّـــــك وأداريــــك
وإنتَ همومـي ثقلَهَــا مـا يهمّـــــك
لا يا حبيبي .. الزمن لا يخليـــك
تقسى على قلبي وتسقيه سِمِّــــــك
دنيـاك هذي , لا تغيِّر مباديـــك
مهما إستطعت الظلم إعدل بحـڪمـــــك
ما هي غريبه من يذمِّــك يماشيك
لكن غريبـــه يمدحـــك من يذمِّـــك!!
ما كل واحد غاب معناه ناسيـــك
بعض البشر ينساك لو كان يمِّـــــك
أدري تعزني .. اللـه يعز غاليــــك
وإن كان لـي عندك معزَّه بضمـــك
في خاطري كم كلمةٍ : عن تجافيــــك
وإن شفت دمعاتي إنزَلَت .. حط كـمـــك
إسمــــك حبيبي ويا كثِرها أساميـــك
وقلبي يفز .. لا جابوا الناس إسمـــك
ليتـــك تحس في ضيقتي يوم أحاتيـــك
أحرق لـــك أعصابي .. وما حَس دمِّــــك
غايب بدون أعذار .. ربِّي يجازيـــك
عطني سبب مُقنع حبيبي .. وألمـــك
همِّـــك , جنونـــك , ضحكتـــك , كل ما فيــك
صوتـــك, سكوتـــك , وأرجع أقول: همِّـــك
طيشـــك , عنادك , لما تزعل وأراضيــك
ترسم ملامح ضحكتي ..وتمحي رسمـــــك
مهما غلوك قلوب ناسٍ حواليك
أغليك أكثر منِّهُم بس .. لعلمــــك..!
أبوك , خالك, إختك , أخوك , ماضيك
ربعك، جميع النـاس , وعيـــال عمِّــــك
شايف غلاهم لِــــك ..! أكثر أنا أغليـــك
واللي وِصَل ( نِــــص الغلا ) يمڪـــن أمّــــك
الثلاثاء ديسمبر 17, 2013 11:59 pm من طرف ناجي المزنعي
