انطفى نور الفرح في ناظريني ...بعد ماغابوا عن الارض الحبايب

دنيــــــــــــــتي لها الحــــــــزن موضـــــوع اكيد
والعيـــــــــــــن دمعـــــــــــــــها فيـــض تحــدر
والـــــــهم كـــــــــــــل يـــــوم على امــــس يزيد
لكــــــــن هــــــــذي الدنيا وهـــــــــــذا خط القدر

:::::: :::::: :::::: ::::::

ماجيت اسأل عن طعونك
في حشاي الموجعه !
ولا جيت ابسأل عن "نهاية"
صدك وذاك الجفا .. ؟

جيت اشكرك ..
عن كل دمع ٍ محرق ٍ ماتسمعه
وعن كل عذر ٍ لاسمع
"حرق المدامع" قال افاا .. !!

:::::: :::::: :::::: ::::::

انا ماأبي هوى للقلب ولاني مدور الاحباب
انا كل همي قلب كبير يسمعني ويبكيني

:::::: :::::: :::::: ::::::

ابي اعرف منهو اللي بقلبه مستريح..
ومنو على باله يعيش دايم
صدق من قال .. من تمسك زين مايطيح
وانا به تمسكت واصبحت هايم
انا شفته ومن يومه طريح
لاني بقاوي السهر ولاني بنايم
جيت له بحبي وكل من حولي يصيح
ومدام جيتك لاني بمتحرك ولاني بقايم

:::::: :::::: :::::: ::::::

فزيت من نومـي اردد بفمــي
اسمه وانادي وينه اليوم وينــه
لقيت امي عند راسي تسمـي
وبدينها تمسح علي السكينه
ولقيت دمعي بلل اطراف كمي
ووسادة ٍ ذاقت معـــاي الغبينه

:::::: :::::: :::::: ::::::

هذا الزمن حاكم وانا فيه محكوم
ماهمني كبر الفضا والتساعه
ومادام دمعي جف
والقلب مهموم
بقول للأحزان
سمعن وطاعه
ومدام عشت الزمن
دايم محروم
شيصير لاضاقت علي كل ساعه

:::::: :::::: :::::: ::::::

نص حزن الكون مرسوم ٍ ابعيني
ونصه الثاني غدى بالقلب ذايب
والدموع اللي تعانق وجنتيني
ماهي إلا جمرتين ٍ من لهايب
غارة الأحزان ضمتها ايديني
واشعلت في داخل اضلوعي حرايب
وانطفى نور الفرح في ناظريني
بعد ماغابوا عن الارض الحبايب

:::::: :::::: :::::: ::::::

هاض الغرام وهام قلبي بالاوهام
واستعرض التفكير ذكرى المحبين

جسمي نحل واللي بقى جلد وعظام
كني مريض بالمرض له زمانين

:::::: :::::: :::::: ::::::

.

في غيابه ماتت الأفراح والبسمه نستني
مابقالي في ثنايا الوقت حلمٍ اهتني به
يوم مات الحلم فيني والأماني ودعتني
قلت ياجور الليالي والفراق اكبر مصيبه
انكوى بالنار قلبي وصدمة الفرقا اذهلتني
والمشاعر تحتضر في داخل اضلوعي صويبه
انتخى جرحي بجرحي والمواجع قيدتني
ذا يشرق بي وهذا يوديني مغيبه
احتميت ابلون ليلي والشجون اللي غزتني
آه ياارض المواجع في ثرى الخافق خصيبه
سرمدي الليل يجمع طيف واهاتٍ لفتني
والفضا ضاق ابعيوني رغم ساحته الرهيبه

:::::: :::::: :::::: ::::::

ما عاد لي قلب ياااااربي تعبت
هوّن على عبدتك ثقل الهموم

غلبت أحايل فـ/ هالدنيا .. غلبت!
فاق الحمل قدرتي .. مااااقدر أقوم!

يفيض كاس الحزن مهما شربت
وأشرب ... وقلبي عن افراحه يصوم

:::::: :::::: :::::: ::::::

ما على حكم القدر فيني إعتراض
أشهد إنه حكم من ربي إنكتب
إنكتب همي على صفحة بياض
وهاجت الدنيا بحرماني غضب
آهـ يا دمع ٍ من الآهات فاض
زحمة الدنيا خذتني في صخب
للفرح جربت أنا كل إفتراض
ولا لقيت إلا الشقا يا للعجب
:::::: :::::: :::::: ::::::

لاجيت اقاوم موج حزني وعـــــزمت
غرقت في موج الحزن ما اقـــدر اعـوم
ورغم المـــــــآسي والقهر لازم الصمت
اخــــاف لايشــــمت بــــنا نــــاسٍ رخوم

:::::: :::::: :::::: ::::::

انا من عاش في وقتٍ قضى بالهم ياشينه
نزف قلبي من همومه قصيده والحزن موال

:::::: :::::: :::::: ::::::

ابـــي اســــرق مــن هـمـــومـي هـمـــوم تـجــرح الأبـيــات
واخـــاف اكـشـــف عـــن الـخــافــي واتـيـــه بـوسـط اهــاتي
حــزيــن وبــايــن بـعـيـنــي واحـــاول اخـفــي الـدمـعــات
كـثــر مــااخـفـــي الــدمــعـــه احـــس تـزيـــد عـبــراتـي
امـــد الـكـــف كـــم مـره ويـصـفـعنـــي الـــردى مــــرات
ردى هــالـحـــظ قــاعــــد لـــي يـعـكــــر كـــل لـحـظـاتـي
يـســـافــر بــي ورىالـدنـيــا لـديــره شــعــارهــاالآهــات
تــرحــب بــي وتـهـلــي بــي وتـدفـــن كـــل ضـحـكـــاتــي
تـمـــد بـســـاطـهــا الـداكــن وتـنـثــر شــوك للخـطــوات
وانــا امـشـــي رغـــم هـــذا واخــــاف تــقـــل خـطــواتـي
:::::: :::::: :::::: ::::::

رجـعــت لـدنـيـتــي شـــايـل مــن هـمــومــي كـثـر مـا فـات
رجـعــت وشـــايـل بـصـــدري عـــذاب الـكـــون فــي ذاتــي
جــروح وظـيــم مـــع ضـيــقـه وغــم وفــوقـهــن حـســـرات
ضـيـــاع وغـــربـه وشـكـــوه وعـــزه تـبـنـــي سـكـــاتـي
فــراق وشـــوق لـلـفـــرحــه وونـــه وبـعـدهــا هـمـســـات
واثـــاري الـهـمـســـه يـاحـظـــي صــدى مـن صـــوت ونـاتـي
خــلاص ولابــي اســـرق مـن فـــوادي بــعــد مــا مــــات
خــــلاص الـيـــوم يــاقـلـبــي رثـيــتـك فـــي كـتـابــاتــي

:::::: :::::: :::::: ::::::

مازلت اولع شمع فـي يـوم ذكـراك * واعيش فيه الهـم والغبـن والكبـت

ولاقد طراله هاجس العشـق ينسـاك * يحياعلى الذكرى من السبـت للسبـت

وانا بعد عايش علـى جـرح فرقـاك * ابطي وانا من لوعة الجـرح ماطبـت

لوعة قسـا بُعـدك تجـاوز لـلادراك * تقفل مجـال القـرب مهمـا تقربـت
:::::: :::::: :::::: ::::::

تسألني عن الدنيا بها نضحك..بها نحزن ونتألم..
بها نخطئ وقليل اللي من الأخطاء يتعلم..
كذا الدنيا أحد يروح ..
هي نصفها حب وأغلبها جروح..
يموت شخص يبكونه..ثلاثة أيام ينسونه..
رابع يوم تذكرهم ولا كأنهم يعرفونه..

:::::: :::::: :::::: ::::::

على متن الجبل هذا جلست اذكر حكاياتي
جلست استرجع الماضي وصدري ضاق بهمومه
تعبت وكل مافيني تعب من كثر وناتي
عنا الذكرى جروحٍ عايشه بالنفس مرسومه
يذوب ابداخلي صمتي تذوب ابداخلي ذاتي
صفير الريح في صدري يصحي الجرح من نومه
نحت الصخر بدموعي وثرت بفيض عبراتي
تفجر في ثرى نفسي شجن واهات مكتومه
تجرعت الالم بدري وخاوتني معاناتي
مشاعر ضمها صدري من الافراح محرومه

:::::: :::::: :::::: ::::::

تفرقنا .. تفرقنا
وعشنا في الزمان اغراب ..
هذاك يروح وذا يرجع
وماظنّي تذكرنا .. !
الا ياحظ من خلّى
زمانه .. "مايفكر به"
انا اشهد .. ياصفا باله
يعيش مريّح ٍ دربه .. ؟

:::::: :::::: :::::: ::::::

ان ز اد حزنـي قلـت لـه مـاعلـيـه
وش الــذي بــتزيــد فــي قــلــب مـذبوح
ياحــزن دور لـك عــلى نفـس حيــه
ولاانــا مــالــك ابـــد فـــي مــصلــوح
الروح ماتت مــن سنـيــنٍ مــديــه
ولا الجســـد هــيــكــل ولا حــس بـالـنوح
لــو انـكوى بالـنار مليون كيــه
مــاحـــس فـــيها دام مــاحــست الــروح
معـاد امــيز بــين شمـسٍ وفيـــه
كـــل الذي في داخـــلي جــمــلة جــروح

:::::: :::::: :::::: ::::::

تعال وناظر إحساسي أنا قلبي كتاب جروح
أنا جروحي شقـا تبعثـر سّمهـا فينـي
تصفح كل أوراقي ألم وإحساس بي مذبـوح
جروح تذهل الناظر وظلمة تسرق سنينـي
زوايا القلب تتألم وجـرح بالحنايـا ينـوح
وعبرة تخنق إحساسي دمعة ترجف بعينـي

:::::: :::::: :::::: ::::::

جرحت قلبي على فرقااك
من بدري
لا عاد تنشد ولا تسأل عن اخباري !

بالامس سولف عن حبك وانا
مدري ؟
واليوم سولفت عن جرحك وانا دااااري .. !!

:::::: :::::: :::::: ::::::

شكيت همومي وجرحي لرفيقي .. ولا سمع شكواي
ورحت أسحب حمول الياس.. ودموعي يواسنّي
عجزت القى رفيقٍ لي.. على نهجي وعلى مبـداي
وتـبـاطـيـت السـنـيـن اللي عـلى عـرفـه يـمـنـنّي
وقـف حـظي بـوجـهي.. والأمـل عـيا يـبـلّ شـفاي
وأنا صابـر..وليت الصبر.. صابر ماجـزع منّي
عزفـت الحـزن في شعري.. على نغمة زماني ناي
وترجـمـت الـقـصيـد اللي.. بعـد مثلي يـترجمني

:::::: :::::: :::::: ::::::

تربع بالحشى ضيم السنين ومر مأسآتي
تربع بالحشى دربٍ طويلٍ ضاعت اعلومه
خطاي ان الوفاء طبعي صدقت بكل نياتي
خطاي ان لي احاسيسٍ عن الزلات معصومه
وفيت وتهت في دنيا غريبه موجها عاتي
ذبل قلبي من اجراحه بعد منهارت اعزومه
رجيتك يازمن وقف ابجمع باقي اشتاتي
رجيتك يازمن خل المعنا يهتني نومه

.

» اب احدى جنان الارض