طريقة عمل وجبات دجاج كنتاكي بالصور

[ندعوك للتسجيل في المنتدى أو التعريف بنفسك لمعاينة هذه الصورة]
cook to learn | how to make a Recipes Kentucky Fried Chicken with pictures | arabic cooking recipes
[ندعوك للتسجيل في المنتدى أو التعريف بنفسك لمعاينة هذه الصورة]
احب اطلعلكوا كل أسراري
النهاردة بجد وجبات كنتاكي ف بيتك
مع فارق النظافة والاطمئنان لان انا اكثر حاجه بتخوفني هو الاكل المقلي برة
يعني مش عارفة الزيت دا اتقلي بيه كم مرة وكمان الدجاج اتغسل كم مرة واذاي
عندي فوبيا م الغسيل بقعد أغسل ف الدجاج يجي عشر مرات بالدقيق والملح والليمون وانقعها شويه
وأهم حاجه ف اي وصفة دجاج يكون فيه تتبيلة
لازم ولابد انك تحطيه ف مصفاة يصفي ماؤه كويس جداً
السر ف ايه من خلال تجاربي المطبخيه انك لو غسلتي الدجاج وحطتيه ف التتبيلة ع طول هايكون ملوش طعم
لان لسه فيه مايه وهاتختلط بالتتبيلة فتقلل من ملحها وتركيزها
دي نقطة بسيطه ولكن بالنسبة لي مهمة
يلا ع المقادير
( التتبيلة)
لكل دجاجة
ليمونه صغيرة
م ك خل
م ك كاتشب يعطي مزازة
2 م ك زبادي
بياله زيت ( بتطري الدجاج)
4 فص ثوم مهروس
ملح + فلفل اسود+ هيل مطحون+ شطة مجروشه+ بابريكا

الطريقة:
نقطع الدجاج علي ثماني قطع وغسلها كويس مثل ماوضحت سابقاً

وانا بعمل شقوق ف كل قطعة بالسكينه لضمان الاستواء
نخلط مكونات التتبيلة مع بعض كويس جداً ثم نضع فيها الدجاج
وندخله الثلاجه قبل بيوم


[ندعوك للتسجيل في المنتدى أو التعريف بنفسك لمعاينة هذه الصورة]
وكذلك صدور الدجاج

عشان اعمل بيها
فيلية الدجاج الكرسبي
وmighty zinger


[ندعوك للتسجيل في المنتدى أو التعريف بنفسك لمعاينة هذه الصورة]
خلاص كدة تبلناهم ودخلناهم الثلاجه
نيجي بقي لسر المطاعم اللي بيخلية كرانشي ولذيذ
وده طبعاً من خلال الطرق الكتيير اللي جربتها
اكتشفت ان الدجاج او الفيليه مش بيحطوا فيه
بقسماااااط ابداً
وانا لاحظت دا من نفسي يعني اختراااعي
الخلطة السرية هي :
دقيق مخلوط معه معلقة نشا ونفتت علية كورن فليكس خلي اوعي تطحنيه انا بكسرة بين راحة اليدين
بحيث يكون في شوي ناعم وشوي خشن
وكمان بحط شوية شطه مجروشة وفلفل اسود وسنة ثوم بودر
ويقلب مع بعض كويس
والبهارات اللي مع خلطة التغليف كمان من ضمن الأسرار


[ندعوك للتسجيل في المنتدى أو التعريف بنفسك لمعاينة هذه الصورة]
ونقلبهم مع بعض
ونكسر ع الدجاج بيضة مخفوقة وكذلك علي الفيليه
ونقلبهم مع بعض ونغمسهم ف الخلطة


[ندعوك للتسجيل في المنتدى أو التعريف بنفسك لمعاينة هذه الصورة]
والسر الثالث هو
لازم تحطي الدجاج بعد ماغلفناه ف الثلاجة لمدة ساعة ولو مستعجله حطيه ف الفريزر نصف ساعه
عشان يلتصق التغليف ومايفكش منك ف الزيت
ثم يحمر ف زيت غزير
انا صراحة قليته ف القلاية بحس انه بيستوي احسن وتحميره بيكون كويس


[ندعوك للتسجيل في المنتدى أو التعريف بنفسك لمعاينة هذه الصورة]
دي قطع الدجاج مقرمشة وطريه ومستويه ولذيذة


[ندعوك للتسجيل في المنتدى أو التعريف بنفسك لمعاينة هذه الصورة]
ودي قطع الفيليه ممكن تقدميها مع بطاطس او ساندويتش


[ندعوك للتسجيل في المنتدى أو التعريف بنفسك لمعاينة هذه الصورة]
ودا الساندويتش قدمته بنفس مكوناتهم
حطيت مايونيز مع شطة مجروشة وخس وقطع الفيلية وشريحة جبن وأكيد البطاطس المقليه
انا عن نفسي بمووووت فيه


[ندعوك للتسجيل في المنتدى أو التعريف بنفسك لمعاينة هذه الصورة]